Hot topics close

Barcelona vs Real Madrid: Alaba and Vazquez lead Real to El Clasico victory

Goals from David Alaba and Lucas Vazquez condemn di club from Catalonia to dia second league defeat of di season

24 October 2021

Alaba celebrate

Wia dis foto come from, Getty Images

Real Madrid silence Camp Nou wit 2-0 victory ova Barcelona.

Goals from David Alaba and Lucas Vazquez condemn di club from Catalonia to dia second league defeat of di season.

Di former Manchester City man pull one back for Barca as im tap in late cross from Sergino Dest.

See how di game go

First half update

David Alaba scores for Real Madrid

Wia dis foto come from, Getty Images

Afta 10mins none of di teams don create any chance yet but Barcelona don dey control possession.

E be like di two teams dey try understand eachother as none of di teams don create any clear chance afta 19mins.

Real Madrid player Vinicius Junior go down for Barcelona 18-yard box and dey find penalty, afta some check wit VAR referee say no penalty.

MISS! Sergino Dest don miss good chance to put Barca ahead as im shoot over di bar from Memphis Depay cross.

Goallll! David Alaba give Real Madrid di lead afta 32mins.

Di Austrian shot from outside di box finish off good move by Real Madrid.

Pique! No. Di Barcelona defender header almost equalise for Barcelona but e go wide.

Afta one minute added time, Real Madrid lead Barcelona 1-0 for Camp Nou.

Second half update

Barcelona make one change ahead of di start of di second half, Coutinho don enter field and e replace Mingueza.

Afta 60mins na Real Madrid dey threaten to score second goal as Vinicius Junior dulling inside di area see Dest clear di ball wen di forward dey one-on-one wit Barcelona goalkeeper.

Later Ter Stegen comfortably save Benzema shot from inside di penalty area.

Both teams make changes, Real Madrid replace Rodrygo wit Valverde while Barcelon bring on Sergio Aguero for Ansu Fati.

77mins, More substitutions: De Jong don make way for Sergi Roberto.

Ferland Mendy don follow Pique as di two players wey don collect yellow cards for dis match. Mendy chop yellow because referee judge say e dey waste time.

E be like Real Madrid dey settled wit dia 1-0 lead but coack Carlo Ancelloti don send on Marco Asensio to replace Vinicius Junior as di match don enter 90mins.

Di medical team don come on to treat Courtois as im go down after e clear ball.

We don enter seven minutes added time.

Goal!!! Lucas Vazquez convert rebound shot for Real Madrid to certainly win dis game. Barcelona 0-2 Real Madrid.

Aguero! Di former Manchester City man don score im first goal for Barcelona.

Barcelona lineup: Ter Stegen, Mingueza, Piqué, García, Alba, de Jong, Busquets, Gavi, Dest, Depay, Fati.

Real Madrid lineup: Courtois, Vázquez, Militão, Alaba, Mendy, Modric, Casemiro, Kroos, Rodrygo, Benzema, Vinícius Júnior.

Similar shots
This week's most popular shots